- وفاء قاسم كتب:
حواف القيف
بجيلك من حواف القيف
لحظة نيل فتح ضفة
اخاف تجرفني احلامي
تتاكي الريدة زي ضلفة
تنادي عليك اشواقي
وتلهب نارا بي لهفة
يجيك حناني في تيار
بيحضن ريد هواك إلفة
تلاطم موجتي فوق الموج
غامرة شعوري ملتفة
آه يا ليل وليل الاه
قلبي رميتو في منفى
زفيرك شهقة انفاسي
نسيمك باقي لي وصفة
بريد لحظة غروبي معاك
تزيدو ودادي غير كلفة
اريتو سكوني بس جواك
حنينك يجيني بي عِرفة
اريت يا نيل تزين عمري
تخلي الريدة في كفة
اصلي براي بقاوم فيك
حكايتي معاك مختلفة
فريت فوقي توب مويتك
شلتو غطا وكمان عِفة
هذه القصيدة لحنها الموسيقار عثمان محي الدين
ولي الشرف بذلك 0000 وستغنى قريبا بإذن الله
شكرا الووووووووووووووووووووووووووووووووووووف
وفاء قاسم
الله الله الله ماكبر غلاك
شغلك نظيييييييييييييييييييف يا وفوووووووووووووية
اهنئك من الاعمااااااااق يا شاعرتنا الجميلة
صدقي بالله انا قلت بي قلبي قبل ما نكمل قراءتها دي كلمات وفوووية اعتقد دي اللي القيتيها في قناة هارموني صاح ؟؟؟
يلا نعمل مكتبة باسمك شدي حيلك وربنا يوفقك دوما
كمبوووو
